உன் பார்வை வீச்சில்
தொலைந்தேன்
காதல் விளிம்பில்
விழுந்தேன்
சூரியத் தூரிகைகளால்
இதய வானவீதியில்
காதல் வண்ணக்கலவையை
வானவில்லாய்த் தெளித்த
பெண் சிற்பி நீ
ஒவ்வொரு இரவின் நுனியிலும்
காதல் கரையான்களால்
தின்னப்படுகின்றன
என் நம்பிக்கைகள்
என் விழி கடிதத்தின்
வார்த்தைக் கோப்புகள்
உன் விழிக்கிணற்றுக்குள்
மூழ்கிக் கிடக்கின்றன
உன் இதயச் சிற்பிக்குள்
இன்னமும் மூடிய முத்தாய்
என் காதல்
காதல்வாசல் கண்களுக்குள்
காய்ச்சல்
நெருப்பாய் நான் சுடுகிறேன்.
இவை
என் மனம் மென்றுத்துப்பிய
வார்த்தைக் குப்பைகள் அல்ல
என் உயிர் அசைவுகளின் அணுக்கள்
உன் விழிகளில் படிவது
எழுத்துகள் அல்ல
என் கடைசி சுவாசம்.
என்னை நீ சந்திக்காவிட்டாலும்
என் எழுத்துகள் உன்னைச் சந்திக்கும்
நாளைய வரலாற்றில்
உன் இதயமே
என் கல்லறை தாஜ்மஹால்
அன்பே...அன்புடன்....அன்பிற்காக....................
கருத்துகள் இல்லை:
கருத்துரையிடுக