தனி மனிதம் - எம்.சேகர்

தனி மனிதம்

ஆயிரம் பாடங்கள்

வாழ்க்கையின் அனுபவங்களாக

என் முன்னேயும் பின்னேயும்

என்னை வழிகாட்டி 

அழைத்துச் செல்லினும்

மீண்டும் மீண்டும்

குழிக்குள் வீழ்ந்தும்

மீண்டெழுந்தும்

புதிய புதிய அனுபவங்கள்

வெவ்வேறு பரிமாணங்களில்

வெவ்வேறு மனிதர்களால்

மீண்டும் மீண்டும்

நட்பின் நம்பிக்கையை

உரசிப் பார்த்தும்

உறவுகளின் அர்த்தங்களுக்கு

புதியதொரு கற்பிதங்களைக்

கொடுத்தும்

என் சார்ந்த அனைத்தையும்

முழுசாகப் பெயர்த்தெடுத்து

வேறொரு புது சுவாசங்களில்

கடத்திவிட்டு

மீண்டும் என்னை

எதுவுமேயில்லாதவனாகத் 

தொலைத்தெடுக்க

வாழ்க்கையின் பாடங்கள்

இன்றோ நாளையோ

முடிவதாய் இல்லை

என்னைச் சுற்றி விழும்

நிழலைக்கூட சந்தேகிக்கும்

நிலையில்தான்

வாழ்க்கை 

இன்னமும் என்னைச் சுற்றிவருகிறது

தனியொருவன் நல்லவனாக

இருப்பதில்

ஒன்றுமேயில்லை இங்கு

- எம்.சேகர்