செவ்வாய், 16 ஏப்ரல், 2013

இறக்கும்வரை............................

LOVE photo: Love heart.jpg


உன் நினைவின் அணுஅலைகள்
என் மனவெளி முழுவதுமாய் வியாபித்துப் பூத்திருக்கின்றன
இன்றைய நாள்
உனக்கும் தெரியும்
எனக்கும் தெரியும்

வாழ்க்கையின் பரிணாம அசைவுகளில்
ஒவ்வொரு திசைகளிலும்
தாலாட்டுப் பாடிட ஓர் இதயம்

எனக்கான இதயம் நீயென வந்தாய்
தனிமைச் சுழலில் தவித்து வியர்த்த மனத்துக்கு
அன்பின் சாமரம் வீசினாய்
இறக்கும்வரை இருப்பேன் என்றாய்
ஆம்
நம் காதல் இறக்கும்வரை
என்பதைத்தான் அப்படிச் சொன்னாய்
என்பதை
உன் கல்யாணப் பத்திரிக்கையைப் பார்த்த
பிறகுதான் தெளிந்துகொண்டேன்

எங்கிருந்தாலும் வாழ்க
இதைத் தவிர வேறென்ன சொல்ல
என் அன்பில்லாக் காதலியே


கருத்துகள் இல்லை:

கருத்துரையிடுக